मधुमास: गजल

मुटु भित्र धड्कनमा

-किरण टी लिम्बु 

मुटु भित्र धड्कनमा तिमीलाई नै पाई रहेँ,
साँचो माया नपाए नि तिमीलाई नै चाही रहेँ ॥

सम्झनाको तरेलीमा यादहरु बगी आउँदा,
तिम्रै नाम परेलीमा गीत लेखी गाइ रहेँ, ॥

लालायित आँखा भित्र आशा सबै मरे पनि,
तिम्रै यादमा बाँची र'ने वाचा-कसम् खाई रहेँ ॥

तिम्रो मनको कालो दाग जुनमा झैँ लागे पनि,
बिहानीको शीत जस्तै चोखो माया लाई रहेँ ॥

पिरतीको घाम डुब्दा साँझ पख एकान्तमा,
आशा-दीप किरण बनी तिम्रै मनमा छाई रहेँ ॥

इटहरी, सुनसरी,
हाल: बेलायत