मधुमासः कविता

लथालिङ्ग घर मेरो भताभुङ्ग देश

-चिरञ्जीवी सुवेदी

बुट्टे साडी ल्याईदेउ बाबु तिम्री बुढीलाई

मजेत्रो नि छैन अरे ठूली दिदीलाई

आमा थिइन बिमार बरै! ओछ्यानको छेउ
खोकी रहन्छिन बाह्रै मासे खकार सँगै लेउ

बच्चा थुरथुर काप्दै थिए पुष-माघको जाडो
भैसी बाँध्ने गोठ भत्की बाहिरै थियो पाडो

दुवई को शहरमा गई कमाई ल्याउने रहर
आवश्यकता पुरा गर्न पिउनै पर्‍यो जहर

लथालिङ्ग घर मेरो भताभुङ्ग देश
आफ्नो ज्यान आँफै बेची लागे परदेश

अर्थुङे-४ म्याग्दी

हाल- यु ए ई